काठमाडौं, २०८३ जेठ ७
नेपालको राजनीतिमा निराशा, भ्रष्टाचार र वंशवादप्रति बढ्दो आक्रोशका बीच एउटा नयाँ र फरक खालको अभियान सार्वजनिक भएको छ । खरानी पार्टी नेपाल
“खरानीबाट, जनताका लागि” भन्ने नारासहित सार्वजनिक यो अभियान परम्परागत राजनीतिक दल होइन, बरु व्यवस्थाप्रतिको व्यंग्यात्मक चेतावनी र युवाको meme-style प्रतिरोध का रूपमा प्रस्तुत गरिएको छ। छोटो समयमै सामाजिक सञ्जालमा भाइरल बनेको यो अभियानले विशेष गरी Gen Z पुस्तामाझ व्यापक चर्चा पाइरहेको छ।
पार्टीको घोषणापत्रमा परम्परागत राजनीतिका विसंगतिलाई तिखो व्यंग्य गरिएको छ। केही उल्लेखनीय व्यंग्यात्मक प्रस्तावहरू यस प्रकार छन्:
१. ७ मिनेटभन्दा लामो भाषण गर्ने नेताको माइक्रोफोन स्वतः म्युट हुने
२. संसदमा हानाहान भए लाइभस्ट्रिम टिकट बिक्री गरिने
३. भ्रष्टाचार ट्रेन्डिङमा आए स्वतः अनुसन्धान सुरु हुने
भ्रष्टाचार, झुटा आश्वासन, राजनीतिक वंशवाद, प्रचारमुखी राजनीति र युवा बेरोजगारीलाई मुख्य एजेन्डा बनाएको खरानी पार्टीले आफ्नो उद्देश्य “जनतालाई मात्र हँसाउनु होइन, सोच्न पनि बाध्य बनाउनु” रहेको स्पष्ट पारेको छ।
यो अभियानले नेपालको राजनीतिक परिदृश्यमा नयाँ बहस सुरु गरेको छ — के व्यंग्य र हास्य नै अहिलेको सबैभन्दा शक्तिशाली प्रतिरोध बन्न सक्छ ? समयले जवाफ दिनेछ।
